歐國盃：適應新面罩麥總熱身賽起孖_東方日報

法國對波蘭前夕收到好消息，鼻樑受傷嘅基利安麥巴比（圓圖）康復進度理想，早前戴上面罩踢熱身賽梅開二度，今晚可望落場為法國搏殺。

仲未敢用頭槌
麥巴比因為整親鼻樑，上場對荷蘭坐足全場，結果法國只係同對手悶和。據報「麥總」周日已經戴住新面罩復操，喺對德乙U21球隊嘅閉門熱身賽踢足全場，梅開二度兼交出兩次助攻，睇落狀態唔錯。不過喺之後隊內訓練當中，麥巴比除咗仲未敢頂頭槌外，更多次調整同更換面罩，相信仲要啲時間適應，但佢落到場的話，對法國點都有幫助。